2021 гъэм накъыгъэм и 9-м Псыхуабэ, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Псыхуабэ и Михайловскэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ къалэм и члисэм и щоджэнхэм Псыхуабэ епархием и Административнэ секретариатым и унафэщI щоджэн Яковенкэ Илия я пашэу. Пастыр нэхъыщхьэм и гъусэу Тхьэ елъэIуащ къалэм щыпсэухэмрэ зыгъэпсэхупIэм и хьэщIэхэмрэ. Литургие нэужьым Щихънагъым
фIэщхъуныгъэ зиIэхэм узэщIыныгъэкIэ захуигъэзащ икIи Щоджэн нэхъыщхьэм и щIыхь тхылъыр яритащ КИФЩI-м и къалащхьэм и члисэхэм екIуалIэхэм.
А махуэм архиепископ Феофилакт удз гъэгъахэр трилъхьащ Псыхуабэ и зауэлIхэм я фэеплъым икIи IутIыж тхьэлъэIур иригъэкIуэкIащ къалэм и хъумакIуэ хэкIуэдахэм папщIэ.
«Нобэ ТекIуэныгъэ Иным и махуэшхуэщ. Ди унагъуэхэм зи къалэр, къэралыр фIыуэ зылъагъу иджырей лIыхъужьхэм хуэдэхэр исыхункIэ а гуфIэгъуэр зыми къыттрихыфынукъым. Нобэ гуфIэгъуэ икIи фэеплъ махуэщ. ХэкIуэда зауэлIхэм я псэр зэгъэн папщIэ Тхьэ девгъэлъэIу. Ди тхьэлъэIум хыхьэу дывгъэлъаIуэ ТекIуэныгъэ Иным къыщIэнахэри дызыщамыгъэгъупщэну», - жиIащ Пастыр нэхъыщхьэм тхьэлъэIур щиублэм.
Удз гъэгъахэр телъхьэным теухуа гуфIэгъуэ зэхыхьэм хэтащ УФ-м и Президентым и полномочнэ лIыкIуэу КИФЩI-м щыIэм и дэIэпыкъуэгъу Стариков Сергей, Псыхуабэ и Iэтащхьэ Ворошилов Дмитрий, Псыхуабэ, Лермонтов, ЕссэнтIыгу, Кисловодск къалэхэм я дзэ комиссар Гусоев Валерий, къалэм и ветеранхэр, щоджэнхэр, депутатхэр, къалэ администрацэм и лIыкIуэхэр, хабзэхъумэ органхэм я лэжьакIуэхэр, IуэхущIапIэхэм, жылагъуэ организацэхэм я унафэщIхэр, ветеранхэр, армеец ныбжьыщIэхэр, къалэм щыпсэухэмрэ абы и хьэщIэхэмрэ.