Псыхуабэ епархием и «ДыгъафIэ къалэ» центрым щызэхуащIыжащ «IутIыж гуфIэгъуэ» псапэ Iуэхур. Я нэIэм щIэт унагъуэ 70-м ерыскъыпхъэхэр, къабзагъэр къызэрызэрагъэпэщ хьэпшыпхэр Псыхуабэ, Черкесск щIыналъэхэм я архиепископ Феофилактрэ центрым и ныбжьэгъухэмрэ къабгъэдэкIыу хуашащ.
«Щихънагъымрэ Iуэхум хэтхэмрэ фIыщIэ яхудощI ди унагъуэхэм къыхуащIа гулъытэм папщIэ», - къыддэгуэшащ Амирян Венерэ. «Кулич IэфIхэм папщIэ фIыщIэ фхудощI», - жиIащ Кулаковэ Александрэ. «Ди гум къыбгъэдэкIыу Щихънагъым, IутIыж Iуэхур къызэгъэпэщыным хэлъхьэныгъэ хуэзыщIа дэтхэнэ зыми фIыщIэ худощI», - жиIащ «ДыгъафIэ къалэм» и унафэщI Земцевэ Екатеринэ.