2021 гъэм накъыгъэм и 6-м Псыхуабэ къалэм и Георгиевскэ члисэм щыIущIащ пащтыхь шэнтиуэ махуэшхуэм. Махуэшхуэ тхьэлъэIур иригъэкIуэкIащ Псыхуабэ члисэ округым и благочиннэ щоджэн нэхъыжь Симанович Олег члисэм и унафэщI щоджэн нэхъыжь Сорокин Константинрэ къардэн Левченкэ Петррэ я пашэу. Зэгъусэ тхьэлъэIу нэужьым благочиннэм екIуэлIапIэм кIуэхэмрэ щIыналъэ лъапIэм Тхьэ елъэIуну кIуахэмрэ яритыжащ Псыхуабэ, Черкесск щIыналъэхэм я архиепископ Феофилакт къыбгъэдэкI хъуэхъу псалъэхэр. ИтIанэ щоджэн нэхъыщхьэм къыбгъэдэкI щIыхь тхылъхэр яритащ.
Щоджэн нэхъыщхьэм и щIыхь тхылъхэр иратащ Псыхуабэ епархиер къызэрыунэхурэ илъэсипщI зэрырикъумрэ абы хуащIа лэжьыгъэхэмрэ папщIэ: Георгиевскэ члисэм и тхьэмахуэ школым и унафэщI Сорокинэ Нинэ, Псыхуабэ и Смоленскэ члисэм бухгалтеру илъэс тIощIым щIигъукIэ щылэжьа Айвазовэ Иринэ, щихъ Луки и цIэр зезыхьэ гуапагъэ щащIэ унэм щыIэ шыпхъу нэхъыжь Надток Марие сымэ.