2021 гъэм накъыгъэм и 5-м, ЕссэнтIыгу станицэм и Успенскэ члисэр зэрагъэнэхурэ илъэсипщI щрикъу махуэм, Псыхуабэ, Черкесск щIыналъэхэм я архиепископ Феофилакт тхьэлъэIу литургиер иригъэкIуэкIащ.
Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, ЕссэнтIыгу округым и щоджэнхэм благочиннэ, члисэм и унафэщI щоджэн нэхъыжь Еланцев Сергий, къардэн нэхъыжь Кубэ Димитрий сымэ я пашэу. Пастыр нэхъыщхьэм и гъусэу Тхьэ елъэIуащ алыдж зэгухьэныгъэм хэтхэмрэ станицэм щыпсэухэмрэ.
Литургие нэужьым Щихънагъым IутIыж зэгъусэ тхьэлъэIур иригъэкIуэкIащ, фIэщхъуныгъэ зиIэхэм узэщIыныгъэкIэ захуигъэзащ, юбилей Щоджэн нэхъыщхьэ щIыхь тхылъхэр унафэщIым, псапащIэхэм, члисэм екIуалIэхэм яритащ.