2021 гъэм накъыгъэм и 4-м Сретенскэ цIыхухъу ставропигиальнэ къулъшырыфым и хорым Ставрополь крайм опереттэмкIэ и театрым псапащIэ концерт щитащ. Ар Псыхуабэ епархиер илъэси 10 зэрырикъум щыщ Iыхьэ хъуащ. Концертым щызэхуахьэса ахъшэр ягъэкIуэнущ епархием и социальнэ проектхэр дэIыгъыным.
Урысейм и хор гуп нэхъыфIхэм ящыщ зым IутIыж уэрэдхэр, пасэрей романсхэр, къэзакъ, урыс, совет уэрэдхэр жиIащ. Сретенскэ къулъшырыфым и хорыр Америкэм и Штат зэгуэтхэм, Ватиканым, Франджым, Германием, Китайм, Латин Америкэм и къэралхэм музыкэр фIыуэ зылъагъухэм къыщацIыху.
«Мы махуэ нэхухэм IутIыж гуфIэгъуэмкIэ дадэгуэшэну драгъэблэгъащ псыхуабэдэсхэм. Дэ гуапэу драгъэблэгъащ икIи абы дигухэм хуабагъэ къыщинэнущ», - къехь хорым и регент Жилу Никон и псалъэхэр «Победа 26» сайтым.