2021 гъэм накъыгъэм и 2-м Псыхуабэ, Черкесск щIыналъэхэм я архиепископ Феофилакт IутIыж пщыхьэщхьэ тхьэлъэIур Черкесск и Никольскэ члисэ зэхуэхьэсам щригъэкIуэкIащ. Щоджэн нэхъыщхьэм къулыкъур драгъэкIуэкIащ республикэм и щоджэнхэмрэ къардэн нэхъыжь Кубэ Димитрийрэ. Пастыр нэхъыщхьэм фIэщхъуныгъэ зиIэхэм яритащ фIыгъуэ зыпылъ мафIэр, Иерусалим кърахар.
ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи Щоджэн нэхъыщхьэм и щIыхь тхылъыр яритащ КъШР-м и цIыхубэ Зэхуэсым и унафэщI Иванов Игоррэ республикэм и Iэтащхьэмрэ и Правительствэмрэ я Администрацэм я унафэщIым и къуэдзэ Пивоваровэ Надеждэрэ. Иванов Игорь щоджэнхэмрэ фIэщхъуныгъэ зиIэхэмрэ Къэрэшей-Шэрджэсым и Iэтащхьэ Темрезов Рашид и хъуэхъум къеджащ. Архиепископ Феофилакт республикэм и Iэтащхьэм фIыщIэ хуищIащ КъШР-м и чристэнхэмрэ щоджэнхэмрэ къазэрыдэIэпыкъуам папщIэ.