2021 гъэм мэлыжьыхьым и 24-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Тырныауз къалэм и Георгиевскэ члисэм. Щоджэн нэхъыщхьэм къулыкъур драгъэкIуэкIащ Налшык округым и благочиннэ щоджэн нэхъыжь Бобылев Валентин, члисэм и унафэщI щоджэн Филатов Александр, къардэн Копач Петр сымэ. Пастыр нэхъыщхьэм и гъусэу Тхьэ елъэIуащ къалэдэсхэр.
ТхьэлъэIу нэужьым щихънагъ нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ, иужькIэ къалэм и кхъэм тхьэлъэIу щрагъэкIуэкIащ члисэм и япэ унафэщIу щыта щоджэн Розин Игорь и кхъащхьэм деж, 2001 гъэм накъыгъэм и 13-м члисэм щаукIам. Мы гъэм илъэс 20 ирокъу Игорь дунейм зэрехыжрэ.