2021 гъэм мэлыжьыхьым и 18-м Псыхуабэ епархием и «ДыгъафIэ къалэ» центрым щыщхэр хэтащ KAVKAZ. RUN. псапэ Iуэхум. Ар ирагъэкIуэкIащ епархием и ЩIалэгъуалэ къудамэр я дэIэпыкъуэгъуу. Псапэ Iуэхухэм зэрыхэтым и фIыгъэкIэ «ДыгъафIэ къалэм» и нэIэм щIэтхэм ныкъуэдыкъуэхэм я коляскитI яIэ хъуащ, мы гъэм епархием и центрым къищэхуащ пшахъуэ терапие студие псо. ДызыхуэкIуэ зэманым студием и лэжьыгъэр ирагъэжьэнущ.
Iуэхум хэтахэм фIыщIэ фхудощI «ДыгъафIэ къалэм» хэлъхьэныгъэ зэрыхуэфщIам папщIэ. Ди гупыжхэр зэпымыууэ къызэрыддэфIыгъым папщIэ, ди хъуэпсапIэхэр къыдэхъулIэнымкIэ дэIэпыкъуэгъу фызэрыхъум щхьэкIэ фIыщIэ худощI архиепископ Феофилакт, зыгъэпсэхупIэ Iуэхухэм я унафэщI Шорэ Михаил, Псыхуабэ епархием и ЩIалэгъуалэ къудамэм и унафэщI щоджэн Яковенкэ Илия.
Псыхуабэ епархием и щIалэгъуалэ къудамэм и волонтёрхэм фIыщIэ худощI Iуэхум зэрыхэтам папщIэ, - жиIащ «ДыгъафIэ къалэм» и унафэщI Земцевэ Екатеринэ.