2021 гъэм мэлыжьыхьым и 18-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм. Пастыр нэхъыщхьэм и гъусэу Тхьэ елъэIуащ къалэм щыпсэухэмрэ зыгъэпсэхупIэм и хьэщIэхэмрэ. ХъыбарыфIхэр зэрыт тхылъ лъапIэм къыщыхьахэм къеджа нэужь, Щихънагъым фIэщхъуныгъэ зиIэхэм узэщIыныгъэкIэ захуигъэзащ.
ТхьэлъэIу нэужьым архиепископ Феофилакт ехъуэхъуащ Спасскэ члисэ зэхуэхьэсам и унафэщI щоджэн Мовчанов Димитрий къыщалъхуа махуэмкIэ. Щихънагъым гуапэу фIыщIэ хуищIащ Димитрий члисэ зэхуэхьэсам щызэфIиха лэжьыгъэхэм папщIэ, просфоррэ удз гъэгъахэмрэ тыгъэ хуищIащ. ИужькIэ унафэщIым ехъуэхъуащ члисэ зэхуэхьэсам екIуалIэхэр.
А махуэ дыдэм Пастыр нэхъыщхьэм зэIущIэ щригъэкIуэкIащ Псыхуабэ епархием и ЩIалэгъуалэ центрым.