Пщэдджыжьым щыщIэдзауэ космонавтикэм и махуэр гимназием и гъэсэн ныбжьыщIэхэм Гагарин Юрий и фэеплъ пхъэбгъум деж щызэхуэсащ пщIантIэм, япэ космонавтым и цIэкIэ ягъэувам. НыбжьыщIэхэм гу лъатащ къалэм щыпсэухэмрэ абы и хьэщIэхэмрэ плакат щхъуэкIэплъыкIэхэмкIэ, «Восток» космос кхъухьлъатэр щылъэта сыхьэти 9-рэ дакъикъиблыр тету.
Космос вахтэм щыпащащ гимназием и блынхэм «Мечты о космосе» зэIущIэр къыщызэрагъэпэщри. «Энергия» ракетно-космос корпорацэм и ветеран, полковник, астроном Кортунов Петр и гукъэкIыжхэмкIэ ныбжьыщIэхэм ядэгуэшащ. Петр абыхэм яхутепсэлъыхьащ илъэс зыбжанэкIэ зи унафэщIу щыта Кавказ бгы обсерваторием и махуэхэм. Гимназием и гъэсэнхэр хагъэгъуэзащ космос аппаратхэм, нано – микроспутникхэм.
А махуэм гимназием и гъэсэнхэм Кисловодск и «Крепость» тхыдэ-лъахэхутэ музейм и унафэщI Лузин Сергей и гъусэу «Космические адреса Кисловодска» зыплъыхьакIуэм автобускIэ щыIащ. Япэ ракетэр къэзыгупсыса Цандер Ф. А. и фэеплъым удз гъэгъахэр тралъхьащ. Ахэр щыIащ космонавтикэмкIэ тхыдэ музейм. НыбжыьщIэхэм аппаратхэр, космонавтхэм я скафандрхэр, космосыр къызэрагъэIущIам теухуа сурэтхэр ялъэгъуащ.
Класс нэхъыщIэхэм щIэсхэр хэтащ «Поехали» урысейпсо Iуэхум. Iуэхум щыщ Iыхьэ хъуащ Гагарин Юрий и юбилейм ирихьэлIэу зэпсэлъэныгъэхэмрэ викторинэхэмрэ, видеонэтынхэр гъэхьэзырыныр.
Иджыблагъэ ебгъуанэ классым щIэс Гилкэ Софие Еханэ Гагарин къеджэныгъэ «Крепость» лъахэхутэ музейм щекIуэкIам хэтащ. София утыку кърихьащ «Космос, как частное владение. Проблема создания космического права» къэхутэныгъэ лэжьыгъэр. София тыгъэ хуащIащ щIыхь тхылъыр, фэеплъ саугъэтхэр.