2021 гъэм мэлыжьыхьым и 13-м Урыс Чристэн Члисэм и Межсоборнэ присутствием члисэ узэщIыныгъэмрэ диакониемкIэ и зи чэзу зэIущIэр зэхэтащ. Зэхыхьэр иригъэкIуэкIащ комиссэм и унафэщI, Екатеринбургскрэ Кубанскрэ я митрополит Павел.
ЗэIущIэр щекIуэкIащ Москва къалэм и Маросейкым Космэрэ Дамианрэ я цIэр зезыхьэ и члисэ зэхуэхьэсам и «Открытие» тхыдэ-щэнхабзэ узэщIыныгъэ центрым.
ЗэIущIэм хэтащ: Воронежскрэ Лискинскрэ я митрополит Сергий, Смоленскрэ Дорогобужскрэ я митрополит Исидор, Псыхуабэ, Черкесск щIыналъэхэм я архиепископ Феофилакт, Орехово-Зуевск и щихънагъ Пантелеимон, Алатырскрэ Порецкрэ я щихънагъ Феодор, игумен Серапион (Митько), иеромонах Димитрий (Першин), щоджэн нэхъыжь Соколов Николай, щоджэн нэхъыжь Карпенкэ Димитрий, щоджэн нэхъыжь Кропочев Игорь, щоджэн Максимов Георгий, секретарьхэу Осипов А. И, Бугаевский А. В., Лебедев В.В, Орловэ Е. П., Нелюбовэ М. Б.
Комиссэм хэтхэр хэплъащ «Концепция добровольческого служения в Русской Православной Церкви», «Организация приходского просвещения среди людей с ограниченными возможностями здоровья», «Социальное служение Церкви среди мигрантов» тхылъхэм я проектхэм.
Псантхуэ уз зиIэ цIыхухэм ядэлэжьэнымкIэ пастыр лэжьыгъэмкIэ подкомиссэм и унафэщI, Воронеж и митрополит Сергий къапэщылъ лэжьыгъэхэм я планым къытеувыIащ. Къэбгъэлъагъуэмэ, «Попечение Церкви о душевнобольных» зэIущIэр зэрырагъэкIуэкIынум, 2021 гъэм и Егъэджэныгъэ къеджэныгъэхэм хыхьэу, апхуэдэу «Попечение Церкви о душевнобольных: многообразие проявлений веры» дунейпсо конференцэм и планым, мы гъэм и щэкIуэгъуэм къызэрагъэпэщыну яубзыхуам.