2021 гъэм мэлыжьыхьым и 10-м Псыхуабэ епархием и ЩIалэгъуалэ центрым хабзэ зэрыхъуауэ акъылыфIагъэ джэгур щекIуэкIащ, епархием и щIалэгъуалэ къудамэм къызэригъэпэщар.
Джэгур траухуащ щихъ, фIэщхъуныгъэ зиIэ Невский Александр къызэралъхурэ 2021 гъэм илъэс 800 зэрырикъум. Зэхьэзэхуэр «Сыт? Дэнэ? Дапщэщ?» джэгум тету ирагъэкIуэкIащ. Псыхуабэ епархием и гупым нэгъабэ Кърымым абы зыщыхагъэгъуэзащ. Джэгум хэтащ гупи 10. Абы щыщу дэтхэнэми лэжьыгъэфI игъэлъэгъуащ. Псыхуабэ, Черкесск, Зеленчукскэ станицэм, Кисловодск и Свято-Никольскэ гимназием и гупиплI текIуащ. Япэ увыпIэр къахьащ Кисловодск гимназием и гъэсэнхэм. ДжэгуакIуэ нэхъыфI цIэр хуагъэфэщащ Черкесск и гупым щыщ Брянцев Леонид. ТекIуахэм щIыхь тхылъхэр, саугъэтхэр, хоругвь тыгъэ хуащIащ.