2021 гъэм мэлыжьыхьым и 10-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Гражданскэ къуажэм и Успенскэ члисэм. Щоджэн нэхъыщхьэм къулыкъур драгъэкIуэкIащ Минераловодскэ округым и благочиннэ щоджэн нэхъыжь Панасенкэ Алексий, члисэм и унафэщI щоджэн Гайворонский Алексий, къардэн нэхъыжь Кубэ Димитрий сымэ. Пастыр нэхъыщхьэм и гъусэу Тхьэ елъэIуащ къуажэдэсхэр. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи адэ-анэхэр ягу къыщагъэкIыж тхьэлъэIу къулыкъур иригъэкIуэкIащ.
А махуэ дыдэм Побегайловкэ къуажэм архиепископ Феофилакт Щоджэн нэхъыщхьэм и щIыхь тхылъыр Минераловодскэ сымаджэщ №2-м и инфекцэ къудамэм и медсестрахэм яритащ. Бугайчук Викториерэ Пчелинская Валентинэрэ дохутырхэм ядэIэпыкъуащ коронавирус узыфэр гъэхъужынымкIэ. Щихънагъым Михайловнэ Викториерэ Ивановэ Валентинэрэ фIыщIэ яхуищIащ цIыхухэр къызэрырагъэлам папщIэ икIи Тхьэр къадэIэпыкъуну захуигъэзащ.