2021 гъэм мэлыжьыхьым и 7-м Новопавловск къалэм гуфIэгъуэ щытыкIэм иту къыщызэIуахащ Новопавловскэ станицэм и жылагъуэ лэжьакIуэ цIэрыIуэ, атаман Тутов Гордей и фэеплъ. Зэхыхьэм хэтащ Кировскэ къалэ округым и Iэтащхьэ Лукинов Владимир, крайм и губернаторым и лIыкIуэ Новиков Алексей, Ставрополь округым и къэзакъ зэгухьэныгъэм и атаман Пальчиков Сергей, Курскэ, Степновскэ, Минераловодскэ, Георгиевскэ зэгухьэныгъэхэм я къэзакъхэр.
Фэеплъыр ягъэнэхуащ Новопавловскэ округым и благочиннэ щоджэн Гордин Александр къалэм и щоджэнхэм я гъусэу. Щоджэным къэзакъхэм ялъигъэIэсащ Псыхуабэ, Черкесск щIыналъэхэм я архиепископ Феофилакт.
Махуэшхуэм щыщ Iыхьэ хъуащ Тэрч сборникым и къыдэкIыгъуихыр, къэзакъ щэнхабзэр фIыуэ зылъагъухэм я Тэрч зэгухьэныгъэм и унафэщI, Минераловодскэ къалэм и къэзакъ зэгухьэныгъэм и атаман Губенкэ Олег.