2021 гъэм мэлыжьыхьым и 6-м Псыхуабэ, Черкесск щIыналъэхэм я архиепископ Феофилакт Литургие щригъэкIуэкIащ епархием и унэм и Иверскэ члисэм. Щоджэн нэхъыщхьэм къулыкъур драгъэкIуэкIащ КъШР-м и Сторожевой станицэм и Никольскэ члисэм и унафэщI щоджэн нэхъыжь Кравченкэ Андрейрэ къардэн Копач Петррэ. Пастыр нэхъыщхьэм и гъусэу Тхьэ елъэIуащ епархием и управленэм и унафэщIхэмрэ къалэм щыпсэухэмрэ. ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ. ИужькIэ архиепископ Феофилакт щоджэн нэхъыжь Кравченкэ Андрей иритащ «Псыхуабэ епархием хуищIа лэжьыгъэм папщIэ» медалым и ещанэ нагъыщэр, и къулыкъур къызэрыхуагъэфащэрэ илъэс 20 зэрырикъум, илъэс зыбжанэ хъуауэ и IэнатIэм зэрыпэрытым папщIэ. Пастыр нэхъыщхьэр Андрей ехъуэхъуащ икIи и къулыкъумкIэ Тхьэр къыдэIэпыкъуну зыхуигъэзащ.