КъБР-м и Прохладнэ къалэм и Никольскэ члисэм и тхьэмахуэ школым щекIуэкIащ сурэт щIынымкIэ «Александр Невский - полководец, политик, святой» дерсыр. Гъэсэнхэр еплъащ джыназым и гъащIэм теухуа фильмым, егъэджакIуэм и Iуэтэжым едэIуащ, фIэщхъуныгъэ зиIэ джыназым и теплъэр ящIащ. Еремеев Андрей – профессиональнэ сурэтыщIщ икIи егъэджакIуэщ. Ар ныбжьыщIэхэм ядэIэпыкъуащ сурэтхэм я темэмкIэ, плъыфэхэр яхуигъэлъэгъуащ. Езыхэм ягъэхьэзыра сурэтхэм къищынэмыщIауэ дерсым гуп лэжьыгъэ щащIащ, плакатхэр гъэхьэзырыным теухуауэ. А лэжьыгъэр щаухкIэ выставкэ къызэрагъэпэщынущ, Урысейм и хъумакIуэр илъэс 800 зэрырикъум и щIыхькIэ.