Черкесск и Никольскэ члисэ зэхуэхьэсам къыщызэIуахащ Члисэмрэ къэзакъхэмрэ я экспозицэ икIи ар траухуащ щихъ, фIэщхъуныгъэ зиIэ джыназ Невский Александр.
Зэхуэсым хэтащ Черкесск и Никольскэ члисэ зэхуэхьэсам и щоджэнхэр, щоджэн нэхъыжь Кузнецов Сергий я пашэу, школ №6-мрэ егъэджэныгъэмкIэ центр №11-мрэ я гъэсэнхэр, «Царьград» щIыналъэ зэгухьэныгъэм и къудамэм жыджэру хэтхэр, Кубань къэзакъыдзэм и Баталпашинскэ къэзакъхэр, жылагъуэ зэгухьэныгъэхэм щыщхэр, члисэ зэхуэхьэсам екIуалIэхэр, журналистхэр.
Гъэлъэгъуэныгъэм щызэхуахьэсащ Черкесск и Никольскэ члисэ зэхуэхьэсам и тхыдэм теухуа тхылъхэр, пасэрей сурэтхэр, XVIII-XX лIэщIыгъуэхэм щыIа тхьэлъэIу
тхылъхэр. Апхуэдэу выставкэм хагъэхьащ Псыхуабэ, Черкесск щIыналъэхэм я архиепископ Феофилакт и библиотекэм щыщ къыдэкIыгъуэхэр, фIэщхъуныгъэм и зэран зэкIахэм ятеухуа архив дэфтэрхэр, пасэрей тхьэнапэхэр, хьэпшыпхэр.
Зэхыхьэм хэтхэм фIэхъус ярихащ щоджэн нэхъыжь Кузнецов Сергий, архиепископ Феофилакт и псалъэ гуапэхэр лъэзыгъэIэсам. ИужькIэ «Царьград» зэгухьэныгъэм и щIыналъэ къудамэм и унафэщIым и къуэдзэ Чапурэ Николайрэ щоджэн Гурин Александррэ экскурсие ирагъэкIуэкIащ. Зэпсэлъэныгъэм пащащ Невский Александр теухуа докладхэмкIэ.