2021 гъэм гъатхэпэм и 8-м Псыхуабэ, Черкесск щIыналъэхэм я архиепископ Феофилакт ЕссэнтIыгу къалэм и дэлъэдапIэм деж щыт блаженнэ Московская Матронэ и цIэр зезыхьэ члисэм тхьэлъэIу литургие щригъэкIуэкIащ икIи ар игъэнэхуащ. Щоджэн нэхъыщхьэм къулыкъур драгъэкIуэкIащ ЕссэнтIыгу члисэ округым и щоджэнхэм благочиннэ щоджэн нэхъыжь Еланцев Сергий я пашэу. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи блаженнэ Матронэ игъэлъэпIащ. ИужькIэ архиепископ Феофилакт «Патриаршая благодарность» медалыр тыгъэ хуищIащ дохутыр анестезиолог-реаниматолог Евфорицкий Сергей. Ар ЕссэнтIыгу къалэм и клиникэ сымаджэщ нэхъыщхьэм и реанимацэ къудамэм и унафэщIщ икIи пандемием и зэманым коронавирус узыфэ зиIэ сымаджэ хьэлъэхэр къригъэлащ.