Кисловодск и Пантелеимоновскэ члисэм и унафэщI щоджэн нэхъыжь Акименкэ Сергий екIуэлIапIэм кIуэ щIалэгъуалэм я гъусэу Волгоград къалэм щыIащ. ЛIыхъужь къалэр зрагъэцIыхуащ фIэщхъуныгъэ зиIэ джыназ Невский Александр и цIэр зезыхьэ члисэмрэ члисэ цIыкIумкIэ ирагъажьэри. ИужькIэ гупыр кIуащ Сталинград зауэм и лIыхъужьхэм я фэеплъ паркым. Кисловодск икIа хьэщIэхэм мыужьыхыж мафIэм и деж щIыхь зиIэ къэрэгъулыр щалъэгъуащ икIи Тхьэ щелъэIуащ фэеплъым и Iэгъуэблагъуэм щыIэ щихъхэм я члисэм.
ЛIыхъужь къалэм щыIэныр зэхуащIыжащ «Сталинградская битва» музейм зыщаплъыхьри. Абы ныбжьыщIэхэм зыщыхагъэгъуэзащ Хэку зауэшхуэм и зауэ гуащIэхэм ящыщ зыр къыщыгъэлъэгъуа сурэтхэм.