2021 гъэм гъатхэпэм и 7-м ЕссэнтIыгу къалэ-зыгъэпсэхупIэм щекIуэкIащ Тэрч къэзакъыдзэм Ставрополь округым щиIэ къэзакъ зэгухьэныгъэм и отчет зэIущIэшхуэ. Ставрополь крайм и зэгухьэныгъэхэм щыщ къэзакъ 200-м щыщу, 195-р абы хэтащ.
Къэзакъ зэхуэсым щIыхь иIэу хэтащ УФ-м и Президентым и полномочнэ лIыкIуэу КИФЩI-м щыIэм и аппаратым Ставрополь крайм щиIэ федеральнэ инспектор Бочаров Юрийрэ Ставрополь крайм лъэпкъ Iуэхухэмрэ къэзакъхэмкIэ и комитетым и унафэщI Писаренкэ Александррэ.
Псыхуабэ, Черкесск щIыналъэхэм я архиепископ Феофилакт и арэзыныгъэкIэ зэIущIэм къыщыпсэлъащ епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. Щоджэным къэзакъхэмрэ хьэщIэхэмрэ я деж лъагъэIэсащ Щихънагъым и арэзыныгъэр, нэщI Ин къэблагъэмкIэ ехъуэхъуащ икIи Тхьэр къадэIэпыкъуну захуигъэзащ.
Зэхыхьэшхуэм щыжаIащ «Вечная память» уэрэдыр, дунейм ехыжа щоджэн нэхъыжь Федоренкэ Александр папщIэ, къэзакъ гъащIэм сыт щыгъуи иригузавэу щыта, Ермолов и батальоным и зауэлIхэм и зэманым зи нэIэ ятетам.
Хабзэ зэрыхъуауэ зэхыхьэм и лэжьыгъэр тхьэлъэIукIэ зэхуащIыжащ.