2021 гъэм гъатхэпэм и 2-м Псыхуабэ къалэм Горький Максим и цIэр зезыхьэ и библиотекэ нэхъыщхьэм щекIуэкIащ «Духовное наследие в книгах и чтении» зэхыхьэр, чристэн тхылъым и махуэм теухуар. Зэхыхьэр зэпэIэщIэу ирагъэкIуэкIащ. Абы хэтащ Москва, Санкт-Петербург, Саранск, Псыхуабэ и филологхэр, библиотекэхэм я лэжьакIуэхэр, егъэджакIуэхэр, студентхэр, тхакIуэхэр, усакIуэхэр.
Псыхуабэ члисэ округым и благочиннэ щоджэн нэхъыжь Симанович Олег и къэпсэлъэныгъэр триухуащ Псыхуабэ, Черкесск епархиемрэ Кавказым и Минводы и библиотечнэ системэмрэ я зэхущытыкIэхэм. Зэхыхьэм хэтхэр едэIуащ къалэм и Михайловскэ члисэ зэхуэхьэсам и библиотекэм и лэжьакIуэ Найденовэ Иринэ и «Роль православной книги в духовном воспитании молодежи (на примере жития святого князя Александра Невского)» докладым. Георгиевскэ члисэм и библиотекэм и лэжьакIуэ Сорокинэ Нинэ къытеувыIащ «Читая вечные страницы» зэпеуэм икIи абы щытекIуахэм я цIэ къриIуащ.