Архиепископ Феофилакт дамыгъэхэр яритащ медицинэ шыпхъумрэ щоджэнымрэ

03.03.2021
Просмотры: 2418

2021 гъэм гъатхэпэм и 2-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ епархием и унэм и Иверскэ члисэм. Щоджэн нэхъыщхьэм къулыкъур драгъэкIуэкIащ Левокумкэ къуажэм и члисэм и унафэщI щоджэн нэхъыжь Губарев Димитрийрэ къардэн Копач Пётррэ. Пастыр нэхъыщхьэм и гъусэу Тхьэ елъэIуащ Псыхуабэ щыпсэухэмрэ епархием и управленэм и лэжьакIуэхэмрэ. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.

ИужькIэ архиепископ Феофилакт «Патриаршая благодарность» медалыр иритащ Дутченкэ Ангелинэ – Псыхуабэ и къалэ клиникэ сымаджэщ №2-м реанимацэмрэ интенсивнэ терапиемкIэ и къудамэм и медсестра анестезиологым. Москварэ Урысей псомрэ я Патриарх Кирилл Ангелинэ тыгъэ хуищIащ коронавирус узыфэм цIыхухэр къызэрыригъэлам папщIэ. Апхуэдэу Пастыр нэхъыщхьэм «За труды на благо Пятигорской епархии» медалым и III нагъыщэр хуигъэфэщащ щоджэн нэхъыжь Губарев Димитрий къызэралъхурэ илъэс 65-рэ зэрырикъум папщIэ.

2418
Фотогалерея