2021 гъэм мазаем и 25-м Псыхуабэ, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Черкесск и Сергиевскэ члисэм. Щоджэн нэхъыщхьэм къулыкъур драгъэкIуэкIащ Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр, члисэм и унафэщI щоджэн нэхъыжь Кишунов Константин, къардэн Копач Пётр. Пастыр нэхъыщхьэм и гъусэу Тхьэ елъэIуащ КъШР-м и къалащхьэм щыпсэухэр. Литургие нэужьым Щихънагъым махуэшхуэр игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. Апхуэдэу архиепископ Феофилакт «Патриаршая благодарность» медалыр иритащ Власенкэ Артём, Къэрэшей-Шэрджэсым и сымаджэщхэм ящыщ зым коронавирус узыфэм зэрыщыпэщIэтам папщIэ. Щихънагъым дохутырым фIыщIэ хуищIащ, «Упсэу, дохутыр!» псалъэмкIэ къыщIидзэри.