2021 гъэм мазаем и 25-м Псыхуабэ и «Моя страна. Моя история» музей-выставкэ комплексым щекIуэкIащ «Победа, дарованная Богом» къалэ конференцэр. Ар теухуауэ щытащ Урыс Чристэн Члисэм Хэку зауэшхуэм щиIа мыхьэнэм. Зэхуэсыр къызэрагъэпэщащ Псыхуабэ епархиемрэ егъэджэныгъэмкIэ къалэ управленэмрэ.
Конференцэм щызэхуэсащ музейм и лэжьакIуэхэр, егъэджакIуэхэр, КИФЩI-м и курыт еджапIэхэмрэ тхьэмахуэ школхэмрэ я гъэсэнхэр. Зэпсэлъэныгъэр иригъэжьащ Псыхуабэ члисэ округым и благочиннэ щоджэн нэхъыжь Симанович Олег, ТекIуэныгъэр къэблэгъэнымкIэ члисэ тхьэлъэIум и мыхьэнэр къыхэзыгъэщам.
Конференцэм хэтхэр еплъащ щоджэнхэм зауэ зэманым я лэжьыгъам теухуа видеонэтынхэм икIи школ №3-м и 10 класс Подольский Виктор и «Подвиг священников в годы Великой Отечественной войны» докладым, школ №16-м и егъэджакIуэ Семендяевэ Еленэ зауэм хэта щоджэн нэхъыжь Мальцев Геннадий теухуа «Путь к Богу» и докладым едэIуащ. Конференцэ нэужьым абы хэтахэр музейм зыплъыхьакIуэ кIуащ.