2021 гъэм мазаем и 13-м, иеросхимонах Стефан (Игнатенкэ) дунейм зэрехыжрэ илъэс 48-рэ зэрырикъум и щIыхькIэ Кисловодск къалэм тхьэлъэIукIэ ягу къыщагъэкIыжащ XX лIэщIыгъуэм Тхьэм и нэфI зыщыхуа и щихъхэр. Ар щыщIалъхьа щIыпIэм деж, а махуэм тхьэлъэIу щрагъэкIуэкIащ фIэщхъуныгъэ зиIам и псэр зэгъэн папщIэ.
Тхьэм и нэфI зыщыхуа, Второафонскэ къулъшырыфым къулыкъу щызыщIам и фэеплъыр 1908 гъэм щыщIэдзауэ ар зэхуащIыжыху Бештаурскэ къулъшырыфым ягу къыщагъэкIыжащ. Сыхьэт 11-м къулыкъур иригъэкIуэкIащ Кисловодскэ округым и благочиннэ щоджэн нэхъыжь Знаменский Иоанн благочинием и щоджэнхэм я гъусэу. ТхьэлъэIум щызэхуэсащ къалэ-зыгъэпсэхупIэм щыпсэухэмрэ абы и хьэщIэхэмрэ. ТхьэлъэIу нэужьым Иоанн ядэгуэшащ дунейм ехыжам теухуа гукъэкIыжхэмкIэ. Кисловодскэ благочинием и щоджэн нэхъыжь Лиманов Гермоген къыхигъэщащ Стефан Тхьэм и унафэхэр игъэзащIэу зэрыщытар. Къулыкъум хэтахэм иратащ фо зыщIэлъ шхыныгъуэ, дэлэнхэр, шей пщтыр. Псыхуабэ епархием Тхьэм и нэфI зыщыхуахэм я фэеплъыр нэхъри гъэбыдэным теухуа и комиссэм адэкIи пещэ дунейм ехыжам и гъащIэр джыным. 2021 гъэм мазаем и 14-м, Псыхуабэрэ Буденновскрэ я архиепископ Мефодий (Абрамкин) дунейм зэрехыжрэ илъэс 82-рэ щрикъум ирихьэлIэу, Горячеводскэ къуажэм и Успенскэ къэзакъ члисэм и щоджэнхэм тхьэлъэIу ирагъэкIуэкIащ и псэр зэгъэн папщIэ. Члисэм и унафэщI щоджэн нэхъыжь Фещенкэ Стефан Тхьэм папщIэ бэлыхь куэд зрагъэшэчам зэрихьа лIыгъэр ягу къигъэкIыжащ икIи Христос и фIэщхъуныгъэм зэрыхуэпэжар. Горячеводскэ станицэм и Успенскэ члисэр 1934 гъэм щыщIэдзауэ 1937 гъэ пщIондэ кафедральнэу щытащ. Абы щихънагъ Мефодий екIуэлIапIэм кIуэхэм щыхутепсэлъыхьащ совет зэманым фIэщхъуныгъэ зиIэхэм ирагъэшэча бэлыхьхэр зыхуэдэм. 1937 гъэм фокIадэм и 22-м архиепископ Мефодий ягъэтIысащ, Москва и члисэ-фашист центрым дэлажьэу пцIы къытралъхьэри. Ар щагъэтIысам и гур къеуащ. Щихънагъыр ипэ зэманым Ставрополь и следствие тутнакъэщым щыIащ, цIыхур Iуву здэщыIам икIи и гур нэхъри къыщеуз хъуащ. 1939 гъэм мазаем и 14-м щихънагъыр ягъэтIысащ. Архиепископ Мефодий ягъэтIыса нэужь, Андросюк Таисэ щихънагъым и панагиер члисэм тыгъэ хуищIащ.