2021 гъэм мазаем и 12-м, Тхьэнапищ члисэ зэхуэхьэсам и махуэм, Псыхуабэ, Черкесск щIыналъэхэм я архиепископ Феофилакт пащтыхь шэнтиуэ махуэшхуэр щригъэкIуэкIащ Псыхуабэ къалэм и Тхьэнапищ члисэм. Щоджэн нэхъыщхьэм къулыкъур драгъэкIуэкIащ Псыхуабэ къалэм и щоджэнхэм благочиннэ щоджэн нэхъыжь Дубинский Борис, къардэн нэхъыжь Кубэ Димитрий, къардэн Копач Петр я пашэу. Пастыр нэхъыщхьэм и гъусэу Тхьэ елъэIуащ къалэдэсхэр. Литургие нэужьым Щихънагъым зэгъусэ тхьэлъэIур иригъэкIуэкIащ, махуэшхуэр игъэлъэпIащ икIи фIэщхъуныгъэ зиIэхэм узэщIыныгъэкIэ захуигъэзащ. ИужькIэ архиепископ Феофилакт члисэм и унафэщI щоджэн нэхъыжь Фомин Вячеслав хуигъэфэщащ «За заслуги перед Пятигорской епархией» медалым и III нагъыщэр, Члисэм хуищIа хэлъхьэныгъэхэмрэ илъэс 40 зэрырикъумрэ папщIэ.