Псыхуабэ епархием щихъхэр канон щIынымкIэ и комиссэм и секретарь щоджэн Гурин Александр Къэрэшей-Шэрджэс республикэм и архивхэм щыхэплъащ Кардоникскэ станицэм и Покров члисэм и старостэ Жерновой Борис и Iуэхум. Абы ипкъ иткIэ, Борис 1935 гъэм щIыналъэм ирагъэIэпхъукIащ Кардоникскэ, Зеленчукскэ станицэхэм, Маруха къуажэм и щоджэнхэм, фIэщхъуныгъэ зиIэхэм я гъусэу. Старостэр ягъэкъуаншэрт 1929-1934 гъэхэм колхозхэм зэрапэщIэтам, екIуэлIапIэм кIуэхэр и унэм зэрыщызэхуишэсу щытам, Кардоникскэ члисэ гупым зэрыхэтам папщIэ. Жерновой Борис и къуаншагъэмкIэ зиумысыжакъым икIи илъэсихкIэ и щIыналъэм ирагъэIэпхъукIащ. И Iыхьлыхэм зэрыжаIэмкIэ, Борис и унэм къигъэзэжащ, станицэ члисэр зэфIэгъэувэжыным хэтащ, 1975 гъэм дунейм ехыжыхукIэ. Члисэ старостэм и гъащIэм теухуа тхыгъэ Александр «Благословенный Кавказым» журналым папщIэ егъэхьэзыр. Тхыгъэхэм фыкIэлъыплъ!