2021 гъэм щIышылэм и 19-м, Кисловодск и Никольскэ члисэ зэхуэхьэсам и тхьэлъэIу литургие гувам иужькIэ ирагъэжьащ къалэм и зэгъусэ тхьэлъэIур Иордань хуэкIуэр. Уэзджынэ макъым щIэту махуэшхуэ уэрэдхэр жаIэу фIэщхъуныгъэ зиIэхэр ЗыгъэпсэхупIэ Паркым и Никольскэ псынэпсым нэС кIуахэщ. Псыр гъэнэхун къулыкъу иныр иригъэкIуэкIащ Кисловодск члисэ округым и екIуэлIапIэхэм я благочиннэ щоджэн нэхъыжь Знаменский Иоанн, къалэм и члисэхэм я щоджэнхэр щIыгъуу. Зэгъусэ тхьэлъэIумрэ псыр гъэнэхун тхьэлъэIумрэ хэтащ зыгъэпсэхупIэм и хьэщIэхэмрэ абы щыпсэухэмрэ, Чристэн гимназием и гъэсэнхэр, къалэм и къэзакъ зэгухьэныгъэм и къэзакъхэр.