2021 гъэм щIышылэм и 16-м Псыхуабэ, Черкесск щIналъэхэм я архиепископ Феофилакт тхьэлъэIу литургиер щригъэкIуэкIащ апостол пэлъытэ Магдалинэ Марие и цIэр зезыхьэу Налшык дэт члисэ зэхуэхьэсам. Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илия, Налшык члисэ округым и щоджэнхэм благочиннэ щоджэн нэхъыжь Бобылев Валентинрэ къардэн нэхъыжь Кубэ Димитрийрэ я пашэу. Пастыр нэхъыщхьэм и гъусэу Тхьэ елъэIуащ Къэбэрдей-Балъкъэрым щыпсэухэр. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ икIи члисэ зэхуэхьэсам и тхьэмахуэ школым щыпсэухэм ехъуэхъуащ.