2020 гъэм дыгъэгъазэм и 19-м Псыхуабэ, Черкесск щIыналъэхэм я архиепископ Феофилакт Кисловодск и Никольскэ члисэ зэхуэхьэсам пащтыхь шэнтиуэ махуэшхуэм щыIущIащ. ТхьэлъэIу литургием щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ сектетариатым и унафэщI щоджэн Яковенкэ Илия, Кисловодскэ члисэ округым и щоджэнхэм благочиннэ, члисэ зэхуэхьэсам и унафэщI щоджэн нэхъыжь Знаменский Иоаннрэ къардэн нэхъыжь Кубэ Димитрийрэ.
Литургие уэрэдхэр жиIащ Чристэн Свято-Никольскэ классическэ гимназием и хорым. Гимназием и гъэсэнхэр дэIэпыкъуэгъу щыхъуащ тыхь щIапIэм икIи зэгъусэ тхьэлъэIум хэтащ. Зэгъусэ тхьэлъэIу нэужьым Щихънагъым щихъ Николай папщIэ тхьэлъэIу иригъэкIуэкIащ икIи фIэщхъунгъэ зиIэхэм узэщIынгъэкIэ захуигъэзащ.
Члисэм и илъэс пщыкIутху пащтыхь шэнтиуэ махуэшхуэм IущIащ члисэ зэхуэхьэсам и «Святыни земли родной» музейр. Щихънагъыр гуапэу ехъуэхъуащ музейм и унаэщI Бедикян Иринэ икIи иритащ «За труд на благо Пятигорской епархии» медалым и III нагъыщэр. Апхуэдэ дамыгъэ дыдэ Пастыр нэхъыщхьэм иритащ щэнхабзэмкIэ къалэ комитетым и унафэщI Сквиренкэ Иннэ, чристэн сымаджэщым и унафэщI Уваровэ Валентинэ, члисэ зэхуэхьэсам и бухгалтер нэхъыщхьэ Ломоносовэ Нелли. Члисэ зэхуэхьэсам и лэжьакIуэ Сидоровэ Иринэ Щоджэн нэхъыщхьэм и щIыхь тхылъыр иратащ.