ЦIыхубэ зэкъуэтыныгъэмрэ Тхьэм и Анэм и Къэзан тхьэнапэмрэ я махуэм, Псыхуабэ, Черкесск щIыналъэхэм я архиепископ Феофилакт и арэзыныгъэкIэ, Псхуабэ, Черкесск епархием иригъэкIуэкIащ «Дызэкъуэувэнщи зыкъедгъэлынщ» Iуэхур. Iуэхур 2020 гъэм жэпуэгъуэм и 28-м щрагъэжьащ, Черкесск и Никольскэ члисэ зэхуэхьэсам и Iэгъуэблагъуэм.
Члисэ зэхуэхьэсам ирагъэблэгъащ бынунагъуэшхуэхэр, абы щыщу тIум сабий пщIырыпщI яIэу. Сабий ныкъуэдыкъуэ зиIэ анэм члисэ зэхуэхьэсам и волонтёрхэм я деж дэIэпкъуныгъэхэр щыхуащIащ. Ерыскъыпхъэхэр, канцтовархэр, сабий шхыныгъуэхэр, къабзагъэм зэрыкIэлъыплъ Iэмэпсымэхэр Черкесск къалэм, Спартэ къуажэм, Эркен-Шахар жылэм дэс лъэпкъ зэмылIэужьыгъуэхэм ящыщхэм хуащIащ. ХьэщIэхэм фIэхъус ирихащ члисэ зэхуэхьэсам и щоджэн Гурин Александр. «Анэхэм папщIэ унэ» кризис центрым и унафэщI Рубец Ларисэ центрым и лэжьыгъэм къытеувыIащ, пандемием и зэманым, дэIэпыкъуныгъэ хуей хъумэ закъыхуигъэзэну яжриIащ.
2020 гъэм жэпуэгъуэм и 30-м «Анэхэм папщIэ унэ» IуэхущIапIэм Къэбэрдей-Балъкъэрым щыпищащ «Дызэкъуэувэнщи зыкъедгъэлынщ» Iуэхум. Гуманитар дэIэпыкъуныгъэ хуащIащ унагъуэ 20-м. Ерыскъыпхъэхэр, канцтовархэр, сабий шхыныгъуэхэр, къабзагъэм зэрыкIэлъыплъ Iэмэпсымэхэр хуашащ адэ-анэхэмрэ я бынхэмрэ. ХьэщIэхэм щыIущIащ щихъ Столпник Симеон и цIэр зезыхьэ члисэ Налшык дэтымрэ Прохладнэ къалэм и Никольскэ члисэмрэ. Щоджэнхэм дэIэпыкъуныгъэхэр хуашащ унэм къыщIэнахэм.
2020 гъэм щэкIуэгъуэм и 4-м Iуэхум къыхыхьащ ЩIалэгъуалэ къудамэмрэ Псыхуабэ епархием псапэ щIэнымрэ социальнэ къулыкъухэмкIэ и къудамэмрэ. Благочиние псоми щоджэн щIалэхэмрэ екIуэлIапIэм кIуэхэмрэ я деж щыIащ нэхъыжьхэм, зи закъуэу псэухэм, къалэхэмрэ станицэхэмрэ щыпсэу бынунагъуэшхуэхэм, дэIэпыкъуныгъэ хуэныкъуэхэм я деж. «ДыгъафIэ къалэ» центрым къыбгъэдэкIыу цIыхуи 100-м дэIэпыкъуныгъэхэр хуащIэ.
«Анэхэм папщIэ унэ» IуэхущIапIэм хьэщIэхэм щыIущIащ Псыхуабэ, Черкесск щIыналъэхэм я архиепископ Феофилакт. Щихънагъыр ехъуэхъуащ центрым и нэIэ щIэтхэм, дин зэхуэмыдэхэм итхэм, лъэпкъ зэмылIэужьыгуъэхэм къыхэкIахэм. Сабий зиIэ анэхэм захуигъэзащ псалъэ гуапэкIэ. Пастыр нэхъыщхьэм ягу къигъэкIыжащ зэман гугъухэм ди къэралыр зэкъуэувэурэ зыкърагъэлу зэрыщытар. Архиепископ Феофилакт «Анэхэм папщIэ унэ» IуэхущIапIэм езыр-езыру гукъыдэж зыщIу дэIэпыкъуэгъу хъуахэм фIыщIэ яхуищIащ.
Апхуэдэу щэкIуэгъуэм и 4-м шхынгъуэхэр хуашащ Псыхуабэ, ЕссэнтIыгу, Минводы, Юцэ, ЕтIэкъуэ, Нижнеподкумск, Александровскэ Ищхъэрэм, ЕссэнтIыгу станицэм. Анэхэм папщIэ унэм къыбгъэдэкIыу дэIэпыкъунгъэхэр Кавказым и Минводы щыхуащIащ волонтерихым.
«Дзэкъуэвгъэуви зыкъедывгъэгъэл» Iуэхум и псапащIэм хыхьэу ерыскъыпхъэу 520-рэ ягуэшащ.
2020 гъэм мэлыжьыхьым щыщIэдзауэ Псыхуабэ епархием щолажьэ телефон пщтыр 8 800 300 58 90. ДэIэпыкъуныгъэ а номерым фыпсалъэу къыфхуащIэфынущ. ПсапащIэхэм пащэ цIыхухэм дэIэпыкъун.