2020 гъэм жэпуэгъуэм и 20-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ епархием и унэм. Щоджэн нэхъыщхьэм къулыкъур дригъэкIуэкIащ Псыхуабэ епархием и Административнэ секретариатым и щоджэн Яковенкэ Илья, Ставрополь крайм Сафоновым и цIэр зезыхьэ музыкэ колледжым и«Основы регентского мастерства» факультативым и унафэщI щоджэн нэхъыжь Кузнецов Сергий, къардэн нэхъыжь Кубэ Димитрий.
Пастыр нэхъыщхьэм и гъусэу Тхьэ елъэIуащ факультативыр къэзыуххэр, епархием и управленэм и лэжьакIуэхэр. Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ.
ИужькIэ архиепископ Феофилакт дипломхэр яритащ регент факультативыр къэзыухахэм. 2020 гъэм курсыр цIыху 11-м къаухащ. Псыхуабэ епархиемрэ крайм и музыкэ колледжымрэ я зэгъусэ проектыр 2012 гъэм ягъэхьэзыращ. Илъэси 8-м къриубыдэу егъэджакIуэхэмрэ щоджэнхэмрэ цIыхуи 110-рэ къыщIагъэкIащ. БлэкIа илъэсхэми хуэдэу 11-м щыщу еджакIуи 7-м дипломхэм ящIыгъуу иратащ Архиерейм Псыхуабэ епархием и екIуэлIапIэхэм зэриунэтIым теухуа унафэр.