2020 гъэм жэпуэгъуэм и 17-м Псыхуабэ къалэм Тхьэм и Анэм и Успения къэзакъ члисэм тхьэрыIуэ щатащ Горячеводскэ станицэм и зэгухьэныгъэм и къэзакъ 15-м. ТхьэрыIуэм и пэ къихуэу тхьэлъэIу литургие ирагъэкIуэкIащ, члисэм и унафэщI щоджэн нэхъыжь Фещенкэ Стефан иригъэкIуэкIар. Щоджэным къэзакъхэм ялъигъэIэсащ Псыхуабэ, Черкесск щIыналъэхэм я архиепископ Феофилакт къыбгъэдэкIар икIи ягу къигъэкIыжащ чристэн фIэщхъуныгъэр, адэжь хабзэхэр зэрахъумэр тхьэрыIуэр зэрагъэпэжыр. ТхьэрыIуэ нэужьым шы-спорт комплексым махуэшхуэ отчёт-хэхыныгъэ зэхуэс щекIуэкIащ. ЗэIущIэм хэтащ къэзакъ 332-рэ. ХьэщIэ лъапIэ хъуащ ТВКО-м и атаманым и япэ ныбжьэгъу Васин Юрий, Кисловодск къалэм и къэзакъ зэгухьэныгъэм и атаман Семенов Александр. Правленэм, ревизэ комиссэм, захуагъэм и судым я отчет нэужьым къэзакъхэм атаманыщIэ – есаул Савченкэ Владимир хахащ. ЗэIущIэр тхьэлъэIукIэ зэхуащIыжащ.