Кисловодск къэзакъ щэнхабзэм и махуэр щекIуэкIащ, къалэм и къэзакъ зэгухьэныгъэр къызэрагъэщIэрэщIэжрэ илъэс 30, Кисловодск станицэр зэраухуэрэ илъэси 195-рэ зэрырикъум я щIыхькIэ. Махуэшхуэм щызэхуэсащ Ставрополь крайм и лIыкIуэхэр.
А махуэм къэзакъхэр щызэхуэсащ Никольскэ члисэ зэхуэхьэсам и тхьэлъэIум. ТхьэлъэIу уэрэдхэр жаIа нэужь, Кисловодск округым и благочинэ щоджэн нэхъыжь Знаменский Иоанн Псыхуабэ, Черкесск щIыналъэхэм я архиепископ Феофилакт къыбгъэдэкI хъуэхъур ялъигъэIэсащ икIи къызэхуэсахэм псалъэ дахэкIэ захуигъэзащ.
Иоанн къэзакъхэр къыхуриджащ я фIэщхъуныгъэр ягъэпэжыну. Псалъэ гуапэхэр щоджэным лъигъэсащ къэзакъ, къэзакъхэм я тхыдэм теухуа тхылъ къыдэзыгъэкIа Лобовэ Тамарэ, мы гъэм зи илъэс 80 зыгъэлъэпIам.
Благочиннэм щихъ Николай и скульптурэ теплъэр тыгъэ хуищIащ атаман есаул Семенов Александр, атаманым и япэ ныбжьэгъу есаул Мезенцев Евгений. ИужькIэ къэзакъхэр члисэ зэхуэхьэсам и утым щызэхуэсащ махуэшхуэм. Юбилей илъэсым папщIэ атаман Семенов Александр къэзакъхэм дамыгъэхэр яритащ.
Махуэшхуэр къэзакъ ансамблхэм я концерт программэкIэ зэхуащIыжащ.