2020 гъэм фокIадэм и 12-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ КъБР-м и Александровскэ станицэм и Александро-Невскэ члисэм.
Щоджэн нэхъыщхьэм къулыкъур драгъэкIуэкIащ Псыхуабэ епархием и Налшык округым и щоджэнхэм благочиннэ щоджэн нэхъыжь Бобылев Валентинрэ къардэн нэхъыжь Кубэ Димитрийрэ. Пастыр нэхъыщхьэм и гъусэу Тхьэ елъэIуащ станицэдэсхэмрэ Къэбэрдей-Балъкъэрым и къалэхэмрэ районхэмрэ къикIыу щIыналъэ лъапIэм Тхьэ елъэIуну кIуахэмрэ.
Литургие нэужьым Щихънагъым зэгъусэ тхьэлъэIур иригъэкIуэкIащ, фIэщхъуныгъэ зиIэ джыназ Александр и щIыхькIэ тхьэлъэIу иригъэкIуэкIащ икIи фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIу нэужьым архиепископ Феофилакт хэтащ станицэм и махуэр гъэлъэпIэным икIи Александровскэ станицэм дэсхэм ехъуэхъуащ.