2020 гъэм фокIадэм и 4-м ирагъэжьащ Тэрч къэзакъыдзэм я еплIанэ шы зекIуэ Хэку зауэшхуэм хэтахэм я фэеплъыр. ЗекIуэм и пэ къихуэу тхьэлъэIу ирагъэкIуэкIащ, зи гъащIэр фIэщхъуныгъэмрэ Хэкумрэ щIэзытахэм папщIэ. Ар иригъэкIуэкIащ Псыхуабэ епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. Щоджэным зэхыхьэм хэтхэм ялъигъэIэсащ Псыхуабэ, Черкесск щIыналъэхэм я архиепископ Феофилакт къыбгъэдэкI хъуэхъухэр икIи захуигъэзащ зекIуэр къехъулIэнымкIэ Тхьэр къадэIэпыкъуну.
Шы зекIуэр къызэригъэпэщащ Тэрч къэзакъ зэгухьэныгъэм, къэзакъ хабзэр фIыуэ зылъагъу Тэрч зэгухьэныгъэм, Ставрополь крайм и къэзакъ зэгухьэныгъэм. ЗекIуэм къэзакъ 40 хэтащ Ставрополь крайм и район зэмылIэужьыгъуэхэм ящыщу, Осетие Ищхъэрэ-Алание Республикэм и Тэрч станицэм щыщ шууейхэм ящIыгъуу. Абыхэм къапэщылъщ зекIуиплIрэ километри 150-рэ. ЗекIуэр фокIадэм и 7-м – щихъ Апостол Варфоломей и фэеплъым и щIыхькIэ зэхуащIыжыну я мурадщ, Тэрч къэзакъыдзэм и махуэм ирихьэлIэу.
***
Шууей зекIуэр ставрополь тэрчдэсхэм накъыгъэм и 9-м и пэ къихуэу къызэрагъэпэщ, ауэ 2020 гъэм эпидемием и зэранкIэ ар бжьыхьэм къагъэIэпхъуащ. ТекIуэныгъэ иныр илъэс 75-рэ зэрырикъум къищынэмыщIауэ, къэзакъыгъэр къызэрагъэщIэрэщIэжрэ илъэс 30 зэрырикъум, шууей зекIуэр Новочеркасскэ кавалерий училищэм и курсантхэм зэрахьа лIыгъэм – Минводы районыр щхьэхуит къэщIыжыным шыщхьэуIу-фокIадэ мазэхэм 1942 гъэм щIэзэуахэм.