Кисловодск къалэ-зыгъэпсэхупIэм щихъ, апостол пэлъытэ Нинэ и цIэр зезыхьэ члисэ ухуэныгъэ утым щекIуэкIащ махуэшхуэ тхьэлъэIу. Ар иригъэкIуэкIащ Кисловодск благочинием и щоджэн нэхъыжь Лиманов Гермоген, къалэм и члисэхэм я щоджэнхэм я гъусэу. Батарейнэ бгым члисэр зыухуахэр, къалэ-зыгъэпсэхупIэм и хьэщIэхэр Тхьэ щелъэIуащ. Гермоген къытеувыIащ Тхьэм и унэ яухуэн зэрыхуейм, ухуакIуэхэм къару, шыIэныгъэ яIэну ехъуэхъуащ члисэ ухуэныгъэм ехьэлIауэ.
***
Апостол пэлъытэ, Куржым и узэщIакIуэ Нинэ и члисэ ухуэныгъэр Кисловодск сымаджэщым пэмыжыжьэу 2016 гъэм щэкIуэгъуэм и 19-м ирагъэжьащ. 2020 гъэм шыщхьэуIум и кIэуххэм къатыр дращIеящ, тхьэлъэIур щрагъэкIуэкIар. Члисэ ухуэныгъэр ящI псапащIэхэм я ахъшэ зэхэдзэкIэ.