2020 гъэм шыщхьэуIум и 26-м, Успен тхьэлъэIум и махуэхэм, ебланэу Успенскэ Второафонскэ Бештаурскэ къулъшырыфым щыIэхэм къулъшырыфым и щоджэнархимандрит, Псыхуабэ, Черкесск щIыналъэхэм я архиепископ Феофилакт я пашэу тхьэлъэIу литургие щрагъэкIуэкIащ Бештау бгым.
Монаххэм я гъусэу бгым дэкIащ икIи литургиер ирагъэкIуэкIащ епархием и щоджэнхэм. ТхьэлъэIум хэтащ Москва, Санкт-Петербург, Урысейм и нэгъуэщI щIыналъэхэм, Кавказым и Минводы и къалэхэмрэ къуажэхэмрэ къикIыу щIыналъэ лъапIэм къэкIуахэр. ТхьэлъэIум хэтхэр лъагапIэм дэкIуеинымкIэ, къехыжынымкIэ дэIэпыкъуэгъу яхуэхъуащ епархием и щIалэгъуалэ къудамэм жыджэру хэтхэмрэ къэзакъхэмрэ.
Литургие нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ, Христос IущIэным теухуа зекIуэм. ЛъагапIэм тхьэлъэIухэр щегъэкIуэкIын хабзэр илъэси 116-рэ и пэкIэ Афоным кърахащ Второафонскэ къулъшырыфыр зыухуахэм.