2020 гъэм шыщхьэуIум и 8-м илъэс 60 ирикъуащ щоджэн нэхъыжь Бобылев Игорь – Новопавловск къалэм Тхьэм и Анэм и Владимирскэ члисэ щыIэм и унафэщIыр. Игорь къалэдэсхэм я гум фэеплъ дахэ къыщигъэнащ и лэжьыгъэфIхэмкIэ, члисэ зэгухьэныгъэр къэгъэщIэрэщIэжыным хуищIа хэлъхьэныгъэхэмкIэ. УнафэщIым и юбилейм ирихьэлIэу щоджэнхэмрэ екIуэлIапIэм кIуэхэмрэ дунейм ехыжар щыщIалъхьа щIыпIэм и деж Тхьэ щелъэIуащ, итIанэ Игорь и фэеплъ выставкэ къызэIуахащ. ЕкIуэлIапIэмрэ къалэм и лъахэхутэ музеймрэ гъэлъэгъуэныгъэм хагъэхьа лэжьыгъэхэр ягъэхьэзыращ.
***
Щоджэн нэхъыжь Бобылев Игорь, Новопавловск пщIэ зиIэ и цIыхущ, Тхьэм и анэм и Владимирнскэ тхьэнапэм и цIэр зезыхьэ члисэм и унафэщIу щытащ 1996 гъэм щыщIэдзауэ 2009 гъэ пщIондэ. Игорь Владимирскэ члисэм и ухуэныгъэр нигъэсащ, Князь-Владимирскэ члисэ цIыкIур иухуащ, зэхэкъута Петропавловскэ члисэр къигъэщIэрэщIэжащ. Щодзжэн нэхъыжь Игорь епархием и ПсапащIэ къудамэм и унафэщIу, епархием и «Миссионерскэ листок» къыдэкIыгъуэм и редактор нэхъыщхьэу щытащ. Игорь 2009 гъэм накъыгъэм и 25-м дунейм ехыжащ.