2020 гъэм бадзэуэгъуэм и 30-м Псыхуабэ, Черкесск щIыналъэхэм я архиепископ Феофилакт тхьэлъэIу щригъэкIуэкIащ Псыхуабэ и Хорошевскэ кхъэм, Псыхуабэ епархием и япэ пресс-секретарь Бронский Евгений и кхъэм деж. Пастыр нэхъыщхьэм и гъусэу Тхьэ елъэIуащ дунейм ехыжам и щхьэгъусэмрэ ипхъумрэ, епархием и управленэм и лэжьакIуэхэр. Бронский Евгений и благъэхэм, Iыхьлыхэм, лэжьэгъухэм тхьэлъэIу кхъэм щрагъэкIуэкI гъэ къэс ар дунейм щехыжа махуэм – гъатхэпэм и 8-м, къыщалъхуа бадзэуэгъуэм и 30-м. А махуэм Евгений илъэс 58-рэ хъунут.
***
Бронский Евгений 1962 гъэм бадзэуэгъуэм и 30-м Ставрополь къыщалъхуащ. 1979 гъэм курыт еджапIэ №42-р къиухащ, 1984 гъэм Ставрополь пединститутым тхыдэдж дипломыр къыщратыжащ.
Илъэс куэдкIэ тхыдэмрэ философиемкIэ щригъэджащ Ставрополь духовнэ семинарием. Ставрополь епархием и хъыбарегъащIэ-тхылъ тедзапIэ къудамэм и унафэщIу щытащ, Псыхуабэ епархием и пресс-IуэхущIапIэмрэ хъыбарегъащIэ-тхылъ тедзапIэ къудамэмрэ къызэригъэпэщащ икIи и унафэщIу щытащ.