2020 гъэм бадзэуэгъуэм и 11-м, щихъ апостолхэу Пётррэ Павелрэ я махуэшхуэм и пэ къихуэу, Псыхуабэ, Черкесск щIыналъэхэм я архиепископ Феофилакт махуэшхуэ тхьэлъэIу щригъэкIуэкIащ Черкесск и Никольскэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ Ищхъэрэ Къэрэшей-Шэрджэс округым и благочиннэ щоджэн нэхъыжь Нартов Александр, члисэ зэхуэхьэсам и щоджэнхэр, къардэн нэхъыжь Кубэ Димитрий сымэ щIыгъуу. Пастыр нэхъыщхьэм къулыкъур иригъэкIуэкIащ, махуэшхуэ Инджылым къеджащ, фIэщхъуныгъэ зиIэхэм гъэнэхуа дагъэм щыщ ящихуащ.
Бадзэуэгъуэм и 12-м, махуэшхуэм архиепископ Феофилакт тхьэлъэIу литургие щригъэкIуэкIащ Зеленчукскэ станицэм и Петропавловскэ члисэм. ТхьэлъэIур хьэуа къабзэм хэту ирагъэкIуэкIащ, къабзагъэр къызэпамыудын щхьэкIэ. Щоджэн нэхъыщхьэм къулыкъур драгъэкIуэкIащ члисэм и щоджэнхэм унафэщI, Ипщэ Къэрэшей-Шэрджэс округым и благочиннэ щоджэн нэхъыжь Субтельный Евгений я пашэу. Пастыр нэхъыщхьэм члисэм и щоджэн Гурин Александр хуит ищIащ дыщэпс зытебза жорыр зэрихьэну. Литургие нэужьым Щихънагъым щихъ апостолхэм папщIэ тхьэлъэIу иригъэкIуэкIащ, фIэщхъуныгъэ зиIэхэм узэщIыныгъэкIэ захуигъэзащ, екIуэлIапIэм кIуэхэм епсэлъащ.