2020 гъэм бадзэуэгъуэм и 15-м Кисловодск и Никольскэ члисэ зэхуэхьэсам аттестатхэр щратыжащ Чристэн Свято-Никольскэ классическэ гимназием и 9-11 классхэр къэзыухахэм. Эпидемие щытыкIэм и зэранкIэ ар къызэрыгуэкIыу къызэрагъэпэщащ. Абы егъэджакIуэхэмрэ хьэщIэхэмрэ ирагъэблэгъакъым. Псыхуабэ, Черкесск щIыналъэхэм я архиепископ Феофилакт гимназиер къэзыуххэм видеонэтынкIэ захуигъэзащ икIи хъуэхъухэр яхуигъэхьащ, фIыщIэ тхьэлъэIу нэужьым гимназием и унафэщI щоджэн нэхъыжь Знаменский Иоанн къызэджар:
ПщIэ зыхуэтщI ди студентхэ!
Си хъуэхъухэр сIыфх, фи адэ-анэхэм я гуапэу икIи я фIыщIэу, фи егъэджакIуэхэр къызэрыфщыгугъым фыхуэдэу, гимназиер къызэрывухымкIэ сынывохъуэхъу!
Нобэ сыфщIыгъуну сыхуеят, ауэ тхьэлъэIукIэ сывигъусэщ, сыфхуогузавэ, фи гугъэхэм сыщIыгъущ. Фи гъащIэ гъуэгури Тхьэм и Члисэм адэкIи пыщIауэ щытыну, ныбжьэгъу пэжхэр фиIэну, шыпхъухэр, къуэшхэр диIэну.
Дэтхэнэми лIыгъэ фхэлъыну, чристэн нэсу фыщытыну. Дэтхэнэ зыми фIэщхъуныгъэ фиIэну сынывохъуэхъу. Нэхъыщхьэращи, насыпыфIэ фыхъуну Тхьэм солъэIу!»
2020 гъэм гимназиер къэзыух 15-м щыщу 6-м епщыкIузанэ классыр фIы дыдэу къаухащ. Аттестат нэхъыфхIэмрэ Урысей Федерацэм и дыщэ медалымрэ иратащ Степанов Алексий, Мухин Никитэ, Лобжанидзе Еленэ, Станков Иоанн, Беспаловэ Ксения, Фенев Николай сымэ. Дэтхэнэми унафэщIым тыгъэ хуищIащ ХъыбарыфIхэр зэрыт тхылъ лъапIэр, тхьэлъэIу псалъэхэр иту.
А махуэ дыдэм аттестатхэр иратыжащ 9 классыр къэзыуххэм. ЕджакIуэ 25-м щыщу щым аттестат нэхъыфIхэр иратащ – Волобуев Даниил, Будяковэ Вероникэ, Шерстянниковэ Александрэ. Щоджэн нэхъыжь Знаменский Иоанн 9 классыр къэзыуххэм яритащ тхьэлъэIу тхылъхэр икIи гугъэ ищIащ еджакIуэхэм я щIэныгъэм гимназием щыпащэну.