Троицэ ЛъапIэм и махуэм, 2020 гъэм мэкъуауэгъуэм и 7-м Кисловодск и Никольскэ члисэ зэхуэхьэсам щIалипщI къалэм и къэзакъ зэгухьэныгъэм хыхьащ.
Зэгъусэ тхьэлъэIу нэужьым къэзакъхэм захуигъэзащ Кисловодск округым и благочиннэ, члисэ зэхуэхьэсам и унафэщI щоджэн нэхъыжь Знаменский Иоанн, ар абыхэм ехъуэхъуащ икIи ягу къигъэкIыжащ къэзакъыр, псом япэрауэ, фIэщхъуныгъэ быдэ зиIэ чристэн цIыхуу зэрыщытыр, Хэкум и хъумакIуэу икIи зи щIыналъэр фIыуэ зылъагъуу зыкъэзыгъэлъагъуэр.
Кисловодск къалэм и къэзакъ зэгухьэныгъэм и атаман есаул Семенов Александр тхьэрыIуэм къеджащ. Къэзакъхэм тхьэрыIуэ ящIащ фIэщхъуныгъэ яIэм хуэпэжу Хэкум къулыкъу хуащIэну, къэзакъ хабзэр къызэпамыудыну, Хэкум и зэфIэкIыр нэхъри ягъэбыдэну.
ТхьэрыIуэ нэужьым благочиннэм къэзакъ щIалэхэм ялъигъэIэсащ псы гъэнэхуар икIи къулыкъу яхуэфащэу ящIэну захуигъэзащ.