2020 гъэм мэлыжьыхьым и 12-м, Тхьэр Иерусалим щыдыхьа махуэшхуэм, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и щоджэнхэм. Пастыр нэхъыщхьэм фIэщхъуныгъэ зиIэхэм захуигъэзащ узэщIыныгъэкIэ икIи вербыр игъэнэхуащ. Патриарх ЛъапIэ Кирилл члисэ гъащIэм Псыхуабэ епархием щыхутепсэлъыхьу, архиепископ Феофилакт епархием и клирикхэр зэригъэлъэпIэнум къытеувыIащ. Урыс Члисэм и Iэтащхьэм щоджэнхэм я лэжьыгъэхэр къилъытащ Члисэм и Анэм и фIыгъэкIэ икIи щоджэнхэм гулъытэ яхуищIащ. ЕкIуэлIапIэм и лэжьыгъэхэр блэкIа илъэсым къилъытэри, архиепископ Феофилакт клирик зыбжанэм архиерей дамыгъэхэр яритащ. Псыхуабэ епархием и екIуэлIапIэхэр Кавказым и Минводы, Къэрэшей-Шэрджэсым, Къэбэрдей-Балъкъэрым щыIэхэщ, аращи, иджыпсту властым игъэува щытыкIэхэм къыхэкIыу узэхуэзэну нэхъ гугъу хъуащ. Щоджэн нэхъыщхьэр ягъэлъэпIа дэтхэнэ зы щоджэнми епсэлъащ, Патриарх ЛъапIэм и фIыщIэр ялъигъэIэсащ. Щоджэнхэм захуигъэза нэужь архиепископ Феофилакт псалъэ зыбжанэ жиIащ «Благословенный Кавказ» сайтым папщIэ: «Псыхуабэ епархием и щоджэнхэм
Москварэ Урысей псомрэ я Патриарх ЛъапIэ Кирилл къыбгъэдэкI фIэхъусыр изох. Дамыгъэхэр зыхуагъэфэщахэм псом хуэмыдэу сохъуэхъу. Мы махуэхэм ди щоджэнхэм екIуэлIапIэм кIуэхэм ирагъэлъагъу Тхьэмрэ гъунэгъухэмрэ лъагъуныгъэ зэрыхуаIэм и щапхъэ. Махуэ къэс цIыхухэм зывогъэшыIэ, тхьэлъэIу псалъэхэм хуэныкъуэхэм. Пастырхэм я лэжьыгъэхэр солъытэ, дэтхэнэ зым папщIи Тхьэ солъэIу. Къару фиIэу тхьэмахуэр вгъакIуэу Христос и Тхьэмахуэ нэхум фыIущIэну зыфхузогъазэ. Тхьэм узыфэр игъэкIуэдыжмэ, дэтхэнэ зыми фIэхъус зэтхыжыфынущ, IутIыж гуфIэгъуэкIэ».
***
Справка:
2020 гъэм Христос и IутIыжым Москварэ Урысей псомрэ я Патриархым дамыгъэхэр иритащ: тхьэлъэIу литургие ирагъэкIуэкIыну – архимандрит Антоний (Данилов), щоджэн нэхъыжь Дьячков Александр; щоджэн нэхъыжь Агеев Павел, Губарев Димитрий, Вобликов Николай, Дубинский Борис, Стацюк Алексий; жор гъэдэхар зэрахьэну хуит ищIащ: игумен Григорий (Бочаров), щоджэн нэхъыжь Дементьев Григорий, Долматов Сергий, Проскурин Григорий, Роткин Анатолий, Симанович Олег; палицэр зэрихьэну хуит ящIащ – щоджэн нэхъыжь Бондарчук Андрей, Великородный Павел, Гичко Николай, Иванилов Роман, Кравченкэ Андрей, Назаров Дионисий, Холодный Александр, щоджэнхэу Касмицкий Алексийрэ Панченкэ Викторрэ. 2020 гъэм Христос и IутIыжым дамыгъэхэр Псыхуабэ, Черкесск щIыналъэхэм я архиепископ Феофилакт хуигъэфэщащ: дыщафэ жор зэрахьэну хуит ящIащ щоджэнхэу Афанасов Константин, Василенко Андрей, Марков Андрей, Переверзев Александр, Птушкин Сергий, Рубец Алексий, Якушев Александр; камилавкэр зэрихьэну хуит ящIащ – щоджэнхэу Евдокимов Антонийрэ Калинин Евгенийрэ.