2020 гъэм гъатхэпэм и 23-м Тхьэм папщIэ бэлыхь куэд зрагъэшэча Гливенкэ Димитрий и лIыгъэм и фэеплъ зэхыхьэ щекIуэкIащ Тхьэм папщIэ бэлыхь куэд зрагъэшэчахэмрэ Урыс Члисэм гуэныхьхэр щызрагъэIуэтэжахэмрэ я члисэм, Кисловодск и Никольскэ члисэ зэхуэхьэсам Литургие щрагъэкIуэкIащ. ТхьэлъэIур иригъэкIуэкIащ Кисловодск округым и благочиннэ щоджэн нэхъыжь Знаменский Иоанн. Благочиннэм къулыкъур драгъэкIуэкIащ: Псыхуабэ епархием щихъхэр канон щIынымкIэ и комиссэм хэт щоджэн нэхъыжь Лагутин Андрей, Псыхуабэ и Тхьэнапищ члисэм и унафэщI щоджэн нэхъыжь Фомин Вячеслав, члисэ зэхуэхьэсам и щоджэнхэм. УзэщIыныгъэкIэ пресвитор Гливенкэ Димитрий и лIыгъэм теухуа псалъэкIэ фIэщхъуныгъэ зиIэхэм захуигъэзащ щоджэн нэхъыжь Лагутин Андрей. ТхьэлъэIу нэужьым абы хэтахэм иратащ пресвитор Димитрий и тхьэнапэмрэ Тхьэм папщIэ бэлыхь куэд зрагъэшэчам теухуа буклетрэ. «Святыни
земли родной» музейм Гливенкэ Димитрий и гъащIэм теухуа зыплъыхьакIуэ щрагъэкIуэкIащ, Бутыр тутнакъым Тхьэм папщIэ бэлыхь куэд зэрыщрагъэшэчар, Москва пэмыжыжьэу Бутовскэ полигоным деж зэрыщаукIар къызэщIиубыдэу.