2020 гъэм мазаем и 22-м Псыхуабэ щекIуэкIащ Псыхуабэ епархием и V Сретение ЩIалэгъуалэ зэхуэсыр. Абы хэтащ члисэ округибгъум щыщ чристэн щIалэгъуалэр.
Зэхуэсыр Спасскэ кафедральнэ члисэ зэхуэхьэсам тхьэлъэIу литургиекIэ щрагъэжьащ. Ар иригъэкIуэкIащ Псыхуабэ, Черкесск щIыналъэхэм я архиепископ Феофилакт. ИужькIэ Псыхуабэ епархием и ЩIалэгъуалэ центрым Щихънагъыр щепсэлъащ зэхуэсым хэтхэм. Нэхъыщхьэу зытепсэлъыхьар псалъэмрэ зэпсэлъэныгъэм и гъуазджэмрэщ.
«Псалъэр – хьэрфхэм я зэпыщIэныгъэ къудейкъым, атIэ фIэщхъуныгъэр, гугъэр, лъагъуныгъэр нэгъуэщI цIыхум и деж зэрынэпхьэсщ,- къыхигъэщащ пастыр нэхъыщхьэм. – НэгъуэщI цIыхум дыщепсалъэкIэ, хъыбар гуэр щызэIэпытхкIэ, абы деж ди псэм и бэуэкIэр ныдохьэс.
Щихънагъым жэуап иритащ зэхуэсым хэтхэм я упщIэхэм, итIанэ утхэм я лэжьыгъэр ирагъэжьащ. Мы гъэм мастер-классхэр къызэрагъэпэщащ пщафIэ гъуазджэмкIэ, каллиграфиемкIэ, хьэпшыпхэр роспис щIынымкIэ, зэIущэнымкIэ, гупсысэ щIэщыгъуэм зегъэужьынымкIэ тренингхэр.
КъызэгъэпэщакIуэм зэрыжиIамкIэ – Псыхуабэ епархием и ЩIалэгъуалэ къудамэм и унафэщI щоджэн Яковенкэ Илия, - ЩIалэгъуалэ сретение зэхуэсым и къалэн нэхъыщхьэр – зэгъусэ тхьэлъэIурэ зэпсэлъэныгъэрэщ. «НыбжьыщIэхэр епархием и плIанэпэ зэмылIэужьыгуъэхэм щыщщ, соцсетхэм пыщIамэ ахэр зэпсэлъэфынукъым. Мыбдеж щызопсэлъэф. Ди зэманым – ар лъапIэщ».