Быйыл февраль айны 18-де «Солнечный городок» деген епархия аралыкъда сабийле ата-аналары бла бирге келдиле. Ай сайын болуучу джыйылыуда ата-анала, джуукълашыб келген Пасха байрамгъа, аралыкъны бешджыллыгъына эмда стол теннисден турнир бла сабийлени джайгъы форумларына хазырланыу ишлени сюздюле. Андан сора ата-анала аралыкъны психологу Фролова Ирина бла тюбешдиле. Психолог, юйдегиде къаллай болум къурагъа дурус болгъанындан, сакъатлыкълары болгъан сабийлени хыликге этгенлени тезе билирге эмда сабийге джамагъатны арасында къалай келиширге боллугъундан хапар айтды. Абадан къауум психолог бла тюбешген кезюуде сабийле къол ишледен уста Кошкина Светлана бла бирге къагъытдан гинджиле этдиле. Десден сора миилосердияны эгечлери сабийле бла ата-аналарына тепси къурдула.