2020 гъэм мазаем и 13-м Новопавловскэ школ №2-м щекIуэкIащ IX къэзакъ джэгухэр. Школым илъэсипщI хъуауэ къыщыхах кадет классхэм я еджакIуэхэр. Гъэ къэс классхэм зэпеуэхэр щрагъэкIуэкI къэзакъ хабзэхэм, чристэн фIэщхъуныгъэм, спортым и прикладной лIэужьыгъуэхэм теухуауэ ябгъэдэлъ щIэныгъэр кърапщытэу.
7-9 классхэм я еджакIуэхэм фIэхъус ирихащ школым и унафэщI Киндюк Александррэ къалэм и къэзакъ зэгухьэныгъэм и атаман Роговой Владимиррэ. Новопавловскэ члисэ округым и благочиннэ щоджэн Цапко Владислав фIэхъус ярихащ.
Теорие Iыхьэр нэгузыужьу екIуэкIащ, сабийхэм зым адрейм Iэпауду жэуап иратащ къэзакъхэм я блэкIам теухуа упщIэхэм, Хэку зауэшхуэм къэзакъхэм щызэрахьа лIыгъэхэми къытеувыIащ. НыбжьыщIэхэм Iэнэ ягъэуващ къэзакъ лъэпкъ шхыныгъуэхэр ягъэхьэзырри.
Джэгухэм я етIуанэ Iыхьэр спортзалым щекIуэкIащ, кадетхэр я зэфIэкIхэмкIэ, къарухэмкIэ щызэпеуащ. Джэгухэм кърикIуахэр зэхалъхьэжа нэужь, благочиннэм сабийхэм фIыщIэ яхуищIащ чристэн фIэщхъуныгъэр зэращIэм папщIэ икIи щIэныгъэм ехъулIэныгъэ щызыIэрагъэхьэну ехъуэхъуащ.