2020 гъэм мазаем и 7-м, Тхьэм и Анэм и «Утоли мои печали» тхьэнапэр щагъэлъапIэ махуэм, Псыхуабэ, Черкесск щIыналъэхэм я архиепископ Феофилакт тхьэлъэIу литургиер щригъэкIуэкIащ Иноземцевэ къуажэм и члисэм. Щоджэн нэхъыщхьэм къулыкъур драгъэкIуэкIащ Минераловодскэ округым и щоджэнхэм благочиннэ щоджэн нэхъыжь Панасенкэ Алексийрэ къардэн Копач Пётррэ я пашэу. Пастыр нэхъыщхьэм и гъусэу Тхьэ елъэIуащ къэзакъхэмрэ къуажэдэсхэмрэ. Литургие нэужьым Щихънагъым Тхьэм и Анэм и тхьэлъэIур иригъэкIуэкIащ иIки фIэщхъуныгъэ зиIэхэм узэщIыныгъэкIэ захуигъэзащ. ТхьэлъэIу нэужьым архиепископ Феофилакт щоджэнхэм я гъусэу щыIащ «Бештау» геронтологие центрым. IуэхущIапIэм и нэIэ тетщ Тхьэм и Анэм и «Утоли моя печали» тхьэнапэм и цIэр зезыхьэ члисэм и унафэщI щоджэн Переверзов Александр. Пастыр нэхъыщхьэр лэжьакIуэхэмрэ къуажэдэсхэмрэ епсэлъащ икIи центрым тыгъэ хуищIащ жыгыщIэ 50, Iэгъуэблагъэр иригъэфIэкIуэн папщIэ.