2020 гъэм мазаем и 1-м, Москварэ Урысей псомрэ я Патриарх ЛъапIэ Кирилл и къулыкъум зэрыпэрыхьэрэ илъэс пщыкIуз щрикъум, Москва КъегъэлакIуэ Христос и цIэр зезыхьэ и кафедральнэ члисэ зэхуэхьэсам тхьэлъэIу литургие щрагъэкIуэкIащ. Урыс Чристэн Члисэм и Iэтащхьэм тхьэлъэIухэр дин фэилъхьэгъуэхэр щыгъыу иригъэкIуэкIащ. Абы къулыкъур драгъэкIуэкIащ Синод ЛъапIэм зэпымыууэ хэтхэм, митрополиехэм я Iэтащхьэхэм, синод къудамэхэм я унафэщIхэм, Урыс Чристэн Члисэм и пастыр нэхъыщхьэхэм. Иерарххэм я гъусэу, Урыс Члисэм и Iэтащхьэм къулыкъур дригъэкIуэкIащ Псыхуабэ, Черкесск щIыналъэхэм я архиепископ Феофилакт. ТхьэлъэIум хэтащ Чристэн Члисэхэм я лIыкIуэхэр, къалэм и щоджэнхэр, ставропигиальнэ къулъшырыфхэм ящыщхэр. Члисэм Тхьэ щелъэIуащ цIыхубз къулъшырыфхэм я игумениехэр, Москварэ Подмосковьерэ я щоджэнхэр, синод, нэгъуэщI члисэ IуэхущIапIэхэм я лэжьакIуэхэр, екIуэлIапIэхэм я советхэм я лIыкIуэхэр, члисэ IуэхущIапIэхэм я егъэджакIуэхэмрэ еджакIуэхэмрэ. ГуфIэгъуэ тхьэлъэIум хэтащ гъэзэщIакIуэ, закон къыдэзыгъэкI властыр, къалэ, жылагъуэ IуэхущIапIэхэм я лIыкIуэхэр. Ектением къыщыхагъэщащ Члисэмрэ жылагъуэмрэ зэрызэкъуэтыр, Члисэр абы зэрыхуахъумэнур. Ектением хагъэхьащ Патриарх Кириллрэ Урыс Члисэмрэ ятеухуа лъэIу. Ектение нэужьым Крутицкрэ Коломенскрэ я митрополит Ювеналий тхьэлъэIу иригъэкIуэкIащ Москварэ Урысей псомрэ я Патриарх ЛъапIэ Кирилл теухуауэ. Урыс Чристэн Члисэм и Iэтащхьэм тхьэлъэIу иригъэкIуэкIащ Украинэм мамырыгъэ щыIэн папщIэ. Литургие нэужьым митрополит Онуфрий Патриарх Кирилл хъуэхъу тхыгъэ хуигъэхьащ Урыс Чристэн Члисэм и Синод ЛъапIэм къыбгъэдэкIыу икIи мантие лъапIэмрэ удз гъэгъарэ тыгъэ хуищIащ. Щихънагъым апхуэдэу ехъуэхъуащ УФ-м и Президентым и полномочнэ лIыкIуэу федеральнэ округым щыIэ Щеголев И.О. Урыс Члисэм и Iэтащхьэм къызэхуэсахэм захуигъэзащ узэщIыныгъэкIэ икIи члисэ дамыгъэхэр тыгъэ яхуищIащ. «ДгъэлъэпIа псоми фIэхъус фызох икIи махуэшхуэмкIэ псоми сынывохъуэхъу – ди Члисэр зэрызэкъуэтыр, абы и гур къызэреуэр зэхэдызыгъащIэ, Тхьэм и фIыщIэкIэ
длэжьыф Iуэхухэм папщIэ Тхьэм фIыщIэ щыхуэтщI махуэшхуэмкIэ, - жиIащ Патриарх ЛъапIэ Кирилл. Архиепископ Феофилакт Патриарх ЛъапIэм иритащ щоджэнхэмрэ Тхьэм и нэфI зыщыхуа Кавказым, Тыркуменистаным ис чристэнхэмрэ къабгъэдэкI хъуэхъухэр.